ରାୟଗଡ଼ା: ମହାରାଷ୍ଟ୍ର ଓ କର୍ଣ୍ଣାଟକରେ ଭୋଟର ତାଲିକାରେ ବ୍ୟାପକ ଜାଲିଆତି ହୋଇଥିବା ଅଭିଯୋଗ ନେଇ ଭାରତର ଜନନାୟକ ଶ୍ରୀ ରାହୁଲ ଗାନ୍ଧୀଜି ନିର୍ବାଚନ କମିଶନକୁ କଡ଼ା ପ୍ରଶ୍ନ କରିଥିଲେ । ନିର୍ବାଚନ କମିଶନଙ୍କ ଉତ୍ତର ପରେ ଦେଶର ଭୋଟର ତାଲିକାର ସ୍ବଚ୍ଛତା ଉପରେ ସନ୍ଦେହ ତିବ୍ର ହୋଇଛି । କେବଳ କିଛି ରାଜ୍ୟ ନୁହେଁ, ସାରା ଦେଶରେ ଭୋଟ ଚୋରି ଓ ଭୋଟର ତାଲିକା ଜାଲିଆତି ଘଟିଥିବା ସନ୍ଦେହରେ ରାଜନୈତିକ ମହଳରେ ଚର୍ଚ୍ଚା ଚାଲିଛି ।
ଏହି ପରିପ୍ରେକ୍ଷରେ ରାୟଗଡ଼ା ଜିଲ୍ଲା ଯୁବକଂଗ୍ରେସ ସଭାପତି ଶ୍ରୀ ମୋହନ ନାଏକ ନିଜ ଅଞ୍ଚଳରେ “ଘରେ ଘରେ ବୁଲି ଯାଞ୍ଚ” କାର୍ଯ୍ୟକ୍ରମ ଆରମ୍ଭ କରିଛନ୍ତି । ସାଧାରଣ ଲୋକଙ୍କୁ ସଚେତନ କରିବା, ସେମାନଙ୍କ ନାମ ଭୋଟର ତାଲିକାରେ ସଠିକ ଅଛି କିନା ବୁଝିବା ପାଇଁ ଏହି ପ୍ରୟାସ କରୁଛନ୍ତି ।ମୋହନ ନାଏକ କହିଛନ୍ତି, “ଲୋକତନ୍ତ୍ରର ମୂଳ ଭିତ୍ତି ହେଉଛି ଭୋଟ ଅଧିକାର। ଯଦି ଏହାରେ ଜାଲିଆତି ହୁଏ, ତେବେ ଲୋକତନ୍ତ୍ରର ଆସଲ ଅର୍ଥ ହରାଇଯାଇବ। ତେଣୁ ଆମେ ଅଞ୍ଚଳରେ ଘରେ ଘରେ ବୁଲି ଯାଞ୍ଚ କରୁଛୁ, ଯାହାର ମାଧ୍ୟମରେ ଜନସାଧାରଣଙ୍କ ଭୋଟର ଅଧିକାର ସୁରକ୍ଷିତ ରହିବ।”
ଏହି କାର୍ଯ୍ୟକ୍ରମକୁ ସ୍ଥାନୀୟ ଲୋକଙ୍କର ବିପୁଳ ସମର୍ଥନ ମିଳିଥିବା ସମୟରେ, ଯୁବକଂଗ୍ରେସର ଅନ୍ୟାନ୍ୟ କର୍ମୀମାନେ ମଧ୍ୟ ସଚେତନତା ଅଭିଯାନରେ ଯୋଗ ଦେଇଛନ୍ତି ।ସାଧାରଣ ଲୋକମାନେ ମଧ୍ୟ କହିଛନ୍ତି, “ଏଭଳି ଉଦ୍ୟମ ଦ୍ୱାରା ଆମେ ନିଜ ଭୋଟର ଅଧିକାର ସୁରକ୍ଷିତ କରିପାରିବୁ ।”👉 ଏହି ପଦକ୍ଷେପ ରାୟଗଡ଼ାରେ ନୁହେଁ, ସାରା ଦେଶରେ ଜନସାଧାରଣଙ୍କ ମଧ୍ୟରେ ଏକ ସଚେତନତାର ଲହର ସୃଷ୍ଟି କରିବାରେ ସମର୍ଥ ହେବ ବୋଲି ଆଶା ବ୍ୟକ୍ତ କରାଯାଉଛି ।