ରାୟଗଡା ସହରର ଇନ୍ଦିରା ନଗର କଲୋନୀରେ ଗତ ୧୦ ତାରିଖରେ ଘଟିଥିବା ଚର୍ଚ୍ଚିତ ଫାୟାରିଂ ଓ ନିଖିଲ ହାଡ଼ପ୍ପା ହତ୍ୟା ମାମଲାରେ ପୋଲିସକୁ ମିଳିଛି ବଡ଼ ସଫଳତା। ମୁଖ୍ୟ ଅଭିଯୁକ୍ତ ସହ ୩ ଜଣଙ୍କୁ ବିହାରରୁ କାବୁ କରିଛି ରାୟଗଡା ପୋଲିସ। ଏହି ମାମଲାରେ ଅଭିଯୁକ୍ତଙ୍କୁ ଧରିବା ପାଇଁ ରାୟଗଡା ଏସପି ସ୍ୱାଥୀ ଏସ କୁମାର, ଆଇପିଏସଙ୍କ ସରାସରି ନିର୍ଦ୍ଦେଶନାରେ ୬ଟି ବିଶେଷ ଟିମ୍ ଗଠନ କରାଯାଇଥିଲା। ଟେକ୍ନିକାଲ ଟିମ୍ର ନେତୃତ୍ୱ ନେଇଥିଲେ ଅତିରିକ୍ତ ଏସପି ରାମେନ୍ଦ୍ର ପ୍ରସାଦ, ଆଇପିଏସ।ପୋଲିସ ତଦନ୍ତ ଚାଲିଥିବା ବେଳେ ଅଭିଯୁକ୍ତମାନେ ଲଗାତାର ଭାବେ ଗିରଫରୁ ବଞ୍ଚି ପଳାଇଯାଉଥିଲେ ଏବଂ ଅନେକ ସମୟରେ ପୋଲିସ ସେମାନଙ୍କୁ ଧରିବାରୁ ଅତ୍ୟନ୍ତ ନିକଟରେ ପହଞ୍ଚି ମଧ୍ୟ ବିଫଳ ହୋଇଥିଲା।ତେବେ ଲଗାତାର ଚଢ଼ାଉ ଓ ପିଛା କରିବା ପରେ ପ୍ରାଇମ ଅଭିଯୁକ୍ତ ଉମେଶ ହିଆଲ, ରାଜ ସିମ୍ଲି ଏବଂ ଅକ୍ଷୟ ସାମଲ ଅର୍ଥାତ ଟିଙ୍କୁଲୁଙ୍କୁ ବିହାରର ଔରଙ୍ଗାବାଦ ଜିଲ୍ଲା ଅନ୍ତର୍ଗତ ମଦନପୁର ଥାନା ଅଞ୍ଚଳରୁ ଗିରଫ କରାଯାଇଛି।ଗିରଫ ଅଭିଯୁକ୍ତମାନଙ୍କୁ ସମସ୍ତ ଆଇନଗତ ପ୍ରକ୍ରିୟା ପାଳନ କରି ଟ୍ରାନ୍ଜିଟ ରିମାଣ୍ଡରେ ରାୟଗଡାକୁ ଅଣାଯାଉଛି।ଏହି ମାମଲାରେ ଆହୁରି କିଛି ଗିରଫ ହେବାର ସମ୍ଭାବନା ଥିବା ବେଳେ, ପୋଲିସର ଚଢ଼ାଉ ଓ ତଦନ୍ତ ଜୋରଦାର ଭାବେ ଚାଲିଥିବା ସୂଚନା ମିଳିଛି।ଏନେଇ ଏସଡବ୍ଲୁଆର ଡିଆଇଜି କୋରାପୁଟ ପକ୍ଷରୁ ସୂଚନା।